Am Samschtig, 20.09.2025, hi mier mitä Schützä Minnig Jan, Minnig Marc, Schär Nico u Stucki Patrick dörfä ar Gruppäschwizermeischterschaft vo dä Jungschützä teilneh. Mier si ziemlech motiviert u nervös (Jungschützäleiter meh aus dSchützä ) uf das Emmen gfahrä.
Nach dr erschtä Rundi si üser Jungschützä mit gschossnä 357 Punkt ufem starchä 3ä Zwüschärang klassiert gsi.
Nachemnä Usflug i d Natur hi siä di 2i Rundi mit 361 gschossnä Punkt erfolgrich beendet.
Vo dem Zitpunkt dennä hi mier numä chönnä hoffä u wartä.
718 Gsammtpünkt hi i dä löschtä Jahr glengt für ufs Podest. Aber wöu mier komplett usem Rummel usä si, hi mier nid gwüsst, wi di anderä Gruppi hi gschossä.
Ersch ar Rangverchündigung, churz nachem Mittagässä, hi üser Heudä mitem 2ä Platz dörfä ä Medaille entgägä neh.
Mier si sehr Stouz uf di Jungs.
Si hisech dä Erfoug meh aus verdienet.
Nach 5 Jahr in Serie aus Kantonaumeischter endlech ar Schwizermeischterschaft dörfä ufem Podest zstah.
Härzlechi Gratulation.
D Jungschützäleiter u dr Vorstand vo dä Sportschützen Diemtigtal
Mir si Stolz uf öich
Impressionen
