Am Samschtig. 25.10.2025 hi mier mit 8 Jungschschützinnä u Schützä dörfä a JUVE Final id Guntelsey ga schiessä.

– Erb Nadine
– Stucki Stefanie
– Neukomm Janis
– Hänni Nico
– Minnig Jan
– Minnig Marc
– Schär Nico
– Stucki Patrick

Das isch scho ä starchi Leischtig, dass mier mit so viu Schützinnä u Schützä hi chönnä ga schiessä.
Härzlechi Gratulation.

Ir Qualifikationsrundi hisi 20 Schuss z gültigem uf 10els Wärtig müässä schiessä.

Im Fäud Nachwuchs u Jungschützä hi im Gsamtä di 300 beschtä Schützä vor Schwiiz teilgno.
Dert si när di je Beschtä 8 Schützä i Meischterfinau cho.

Schär Nico isch ir Quali mit unwahrschinlech starchä 202.0 gschossnä Pünkt (hett uf 10er Wärtig 2 mau 96 geh!!! ) mit über 5 Punkt Vorsprung ufä 2 platziert Erscht wordä.

Stucki Patrick hett sech mit starchä 194.0 gschossnä Pünkt (10er Wärtig 2 mau 93) no gad ufem 8ä Platz für dä Meischterfinau qualifiziert.

Im Finau hets ummi vo Null agfangä.
Äs git äs guets Sprichwort: Die Letzten werden die Ersten sein.

Patrick hett dä Finau vor sim guetä Kolleg Nico chönnä gwinnä. Somit hi mier dr Einzelschwizermeischter u dr Vize Schwizermeischter am glichä Tag u Anlass dörfä fiirä.

Mier si ungloublech Stouz uf di Jungs. Das isch sackstarch, was si hie erreicht hi a dem JUVE Final.

Aunä anderä Schützinnä u Schützä tüä mier o ganz härzlech gratulierä.

D Jungschützäleiter
Beat u Dänu

Rangliste isch hiä: Sportschützen-Diemtigtal | 300m

Impressionen